നിങ്ബോ (ചൈന): ബാഡ്മിന്റണ് ഏഷ്യ ചാമ്പ്യന്ഷിപ്പിന്റെ പുരുഷ സിംഗിള്സില് ഇന്ത്യയുടെ ആയുഷ് ഷെട്ടി കുതിപ്പു തുടരുന്നു.
ആദ്യ റൗണ്ടില് ലോക ഏഴാം നമ്പര് താരമായ ചൈനയുടെ ലി ഷി ഫെങിനെ (21-13, 21-16) അട്ടിമറിച്ച് പ്രീക്വാര്ട്ടറില് പ്രവേശിച്ച ആയുഷ്, അവസാന എട്ടിലേക്ക് കുതിച്ചു. പ്രീക്വാര്ട്ടറില് തായ്വാന്റെ ചി യു ജീനിനെ നേരിട്ടുള്ള ഗെയിമിനു കീഴടക്കിയാണ് ക്വാര്ട്ടറില് പ്രവേശിച്ചത്. സ്കോര്: 21-16, 21-12.
അതേസമയം, പുരുഷ സിംഗിള്സില് മലയാളി താരം എച്ച്.എസ്. പ്രണോയ് പ്രീക്വാര്ട്ടറില് പുറത്ത്.
ചൈനയുടെ വെങ് ഹോങ് യാങിനോട് നേരിട്ടുള്ള ഗെയിമിനായിരുന്നു പ്രണോയിയുടെ തോല്വി; 12-21, 19-21. വനിതാ സിംഗിള്സില് പി.വി. സിന്ധു, ഉന്നതി ഹൂഡ എന്നിവരും പ്രീക്വാര്ട്ടറില് പുറത്തായി. ചൈനയുടെ വാങ് ഹി യിയോട് 21-18, 21-8നാണ് സിന്ധു പരാജയപ്പെട്ടത്.
E-paper LOGIN
LOGIN
